Sport, Sport, Sport,…

Susi und i haum uns bei da Usi für Montag Taerobic und Donnerstag Powerpilates angemeldet. Am Montag war ma daun zum erstnmoi dort. De Vorturnerin kimt ma vor wia a klana Kampfzwerg, de is einfach duach trainiert des gibts im grunde gor ned. Da WAAAHNSINN! Naja Susi und i haum des Programm voi brav duachzogn. Heute is der Musklkater do und des aufsteh vom Bürosessl war oft a Herausforderung. Bin gspaunt wia des morgen wird und da Musklkater am Samstag.

Susi, de klane Halbwahnsinnige , würd gern nu was drittes mochn. Des erscheint mir momentan nu als was Unmögliches.

Steffi, Susi und i san jetzt scho so weid, dass ma uns gemeinsam lauta lecka Sachen zum Essn kaufn und den halben Kühlschrank in Beschlag nehmen. Is ziemli praktisch, so brauch i ned imma mei gaunze Tschausn von Wels noch Linz zahn. Und gemeinsam jausnen, was bessa gibts jo scho fast ned.

Inzwischen hob i jetzt moi 2 Formulare erstellt, welche i daun morgen nu den Feinschliff gib. Was daun aunsteht was i nu ned.

Nächstn Freitag haum ma Betriebsausflug, do werd ma zum ÖAMTC fahrn und des Fahrsicherheitstraining absolvieren. Anschließend gehts daun nu in a Gasthaus, de gresane Freid für mi =)

Jetzt foid ma nix mehr weltbewegendes ei…oiso kimt jetzt moi des Lied des Tages: (ma derf wieder ned aufs video achten)

http://www.myvideo.at/watch/1386286

Go go, go Domino!

Genau, i korregier imma nu Fehler beim Onlineshop vom Domino. Hast HTML und CSS auschaun und überlegn wia i des umschreib, damits so ausschaut wia erna des vorschwebt laut Designvorlage.

Oiso i bin mit der Arbeit ziemli zfriedn, do lernt ma CSS und HTML ziemli guad kenna. Des anzige was ma maunchmoi zu schoffn mocht des is da IE, ober des kenna ma eh scho.

Heid hob i moi meinen Einstandskuchen mitgnommen, den i eigentli scho zweimal vorher mitnehma woid ober leider vergessn hob am Vorabend zu mochn ^^. Hoff des Kuchen von Wels noch Linz mitnehma hod ma persönliche Vorteile eibrocht

Am Nachmittag wars heid moi a bissal zach und do i a scho wieder an Hunga ghobt hob, haum Susi und i beschlossn, dass ma an Spaziergaung zur Tankstelle mochn um a Leberkassemmerl. Oiso des is einfach was Herrliches, so a Leberkassemmal *schwärm*.

Steffi war heid ned so liab, de is einfach vor unsre Augen scho uma 13:00 ham gaunga. Oiso Steffi des war ned so fein von dir, vorallem weilst ma gsogt host dassd einkaufn gehst.

Heid hob i a erfahren was mei nächste Tätigkeit sei wird. I derf 2 Formulare erstellen für den Energieverband. Mehr was i nu ned, oiso de Spannung steigt.

Morgen derf i wieder bei da Susi übernochtn -> *freufreu*

Sonst duat se ned recht vü…kaun se a ned recht vü doa, steh jo uma 6:00 auf und uma 19:00 kim i erst moi ham. Ober Selarie, nisch ^^

Lied des Tages (losst eich ned vom Clip irritieren, der is a bissal strange ober dafia is des liad schorf): http://www.youtube.com/watch?v=gZtHvzZ9V7g

Schlusswort: *hummp*

Kussal =x

eicha Chrisi

1. + 2. Arbeitstag

Mittwoch morgens, und es is im grunde viel zu bald zum Aufstehen ober naja irgendwaun muas i hoid a zum Arbeit aufaunga

um kurz noch 8:00 drudle i im Cyberhouse ei. Und es geht kaum bessa, i werd von da Susi empfangen. Steffi is leider ned do, de is bis Freitag auf Schulung. Weil Susi so a brave is, wart se glei moi mit mir bis uma kurz noch 9:00 aufn Chef. Daun derf i ma glei moi a Stunde mein PC einrichten und daun gibts a große Diskussion über des was i ois so kau…oiso wir warn schnell fertig

Daun hob i den Auftrag griagt, dass i bei da Domino Webseite korregieren helfen soid. Tjo etwa 2h später hob i daun den ersten Fehler ausbessert ghobt, a Megafreude für mi. Tjo des hob i daun den Rest des Tages a nu gmocht, so guad i kina hob.

Den ersten Abend hob i glei moi bei da Susi in Linz in da Natalie ihra Wohnung verbringen dürfen. Natalie dei Wohnung is verdaumt schorf und irgendwia a strange =) oiso im großn und gaunz einfach einzigartig. Beim hamfahrn haum ma am Taubenmarkt nu beim H&M einigschaud…es is leider ned aundas gaunga. Susi und i haum beide bei ana Haubn zuaschlogn miasn. Anschließend zum Spar was zum Trinken und zum Knabbern hoin. Danach ind Wohnung wo ma uns daun a was leckres kocht haum.

Ca. uma 21:00 is daun nu in die Cocktail-Bar gaunga. Sag nua „mmmmm“. Uma 24:00 oder so was sama daun ham gaunga (so guad ma nu kina haum Wir woidn uns daun nu Ice Age 2 mitn SID ^^ auschaun ober i hobs nimma gschofft…bin glei weggschlofn. Und des schene is waun ma in Linz wohnt…ma kaun vü länger schlofn =)

Donnerstag war jetzt nix spannendes dabei, ausa Fehler korregieren auf der Domino Webseiten. Naja bis auf des nu, dass ma de Susi fast verhungert wär. Da Chef hod nämli zmittag in da Küche a Besprechung abghoidn und wir haum unsa Essn ned hoin können, weil ma ned stören durften. Hob Susi daun mit was Süßem getröstet =) und sie is duach kuma und hods nu bis zum Ende der Besprechung gschofft.

Und zum Schluss nu des Lied des Tages:

http://www.youtube.com/watch?v=eKZsZkH_MJc

Praktikumsbeginn

So boid is a bei mir so weit. Am Mittwoch werd i a amoi des arbeitn beginnen und zur Susi und zur Steffi ins Cyberhouse schaun. Bin zwar nervös ober freu mi scho mega auf de zwa.

Hab ma a den Blog eingrichtet, damit jeder mitlesn kau was i für großartige Sachen daun so produzier und vorallem, dass i mi daun nu erinnern kau was i do so gmocht hob. 5 Monat san jo a a launge Zeit und mei Hirn jo ned des beste …oiso i hoff des hüft ma daun bei meiner Praktikumsarbeit.

Naja oiso dawei find i jetzt nu alles ziemli SPANNEND.